Fáilte romhat chuig láithreán lín Archivium Hibernicum. Is iris bhliantúil í Archivium Hibernicum a fhoilsíonn roinn na staire, Ollscoil na hÉireann, Má Nuad agus Coláiste Phádraig, Má Nuad, ina bhfaightear ailt mheasta agus foinsí staire. Is é foilseachán oifigiúil Chumann na nAnnála Caitliceacha é a bunaíodh sa bhliain 1911. Is sa bhliain 1912 a foilsíodh an chéad eagrán de Archivium Hibernicum agus ba é James MacCaffrey (1875-1935), ollamh le stair eaglasta i gColáiste Phádraig, Má Nuad a bhí ina eagarthóir air. Ón mbliain 1973 i leith tá ceangal aige leis an gCoiste um Stair Éireannach Chaitliceach agus a chuid imeachtaí, agus ón mbliain 2001 i leith tá ábhar cartlainne á fhoilsiú ann atá ag eascairt as Tionscnamh na nGael san Eoraip atá lonnaithe i roinn na staire, Ollscoil na hÉireann, Má Nuad.